Tel.: +998 71 237 50 11

E-mail: office@bfa.uz

---

O‘zbekiston Respublikasi Bank-moliya akademiyasi tarkibidagi “Ta’lim sifatini nazorat qilish bo‘limi” maqomi, asosiy maqsadi, vazifalari, huquqlari va majburiyatlari, shuningdek faoliyatini tashkil etish tartibi O‘zbekiston Respublikasi Vazirlar Mahkamasining 2017-yil 18-iyuldagi “O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi faoliyatini tashkil etish to‘g‘risida”gi 515-son qarorining 14-bandiga muvofiq amalga oshiiriladi.

---

“Ta’lim sifatini nazorat qilish bo‘limi” Bank-moliya akademiyasi rektoriga bo’sunadi.

Bo‘lim nizomi O‘zbekiston Respublikasi Vazirlar Mahkamasining huzuridagi Ta’lim sifatini nazorat qilish davlat inspeksiyasi hamda O‘zbekiston Respublikasi Oliy va o‘rta maxsus ta’lim vazirligining 2018-yil 3-iyuldagi “Oliy ta’lim muassasalari tarkibidagi ta’lim sifatini nazorat qilish bo‘limi to‘g‘risidagi Namunaviy nizomini tasdiqlash haqida”gi 13 va 51-q/q-son qo‘shma qarori bilan tasdiqlangan namunaviy nizom asosida ishlab chiqilgan.

Bo‘limning asosiy maqsadi Akademiya tinglovchi (talaba)lari bilimlarining davlat ta’lim standartlariga muvofiqligini o‘rganib borish, tahlil qilish, kadrlar tayyorlash sifati monitoringini yuritish, Akademiyani ichki baholashdan o‘tkazishni tashkil etish va uning natijalari bo‘yicha ta’lim sifatiga salbiy ta’sir etuvchi omillarni aniqlash hamda ularni bartaraf etish va oldini olish choralarini ko‘rishdan iborat.

Bo‘lim o‘z faoliyatini O‘zbekiston Respublikasi Konstitutsiyasi, O‘zbekiston Respublikasining “Ta’lim to‘g‘risida”gi qonuni, O‘zbekiston Respublikasi Oliy Majlisining palatalari qarorlari, O‘zbekiston Respublikasi Prezidentining farmonlari, qarorlari va farmoyishlari, O‘zbekiston Respublikasi Vazirlar Mahkamasi qarorlari va farmoyishlari, Ta’lim sifatini nazorat qilish davlat inspeksiyasi, hamda Akademiya rektorining buyruqlari va qonuniy ko‘rsatmalariga, shuningdek bo‘lim to‘g‘risidagi Nizomga muvofiq olib boradi.

---

Bo‘limning asosiy vazifalari va funksiyalari

---

• ta’lim yo‘nalishlari va mutaхassisliklarning davlat ta’lim standartlari, malaka talablari, o‘quv rejalari va fan dasturlari, ishchi o‘quv rejalar va fanning ishchi dasturlari bilan ta’minlanganligi hamda o‘zaro muvofiqligini tahlil etish;
• Akademiyada ta’lim jarayoni sifatini, uning o‘quv adabiyotlari va o‘quv-uslubiy materiallar bilan ta’minlanganlik darajasini o‘rganish;
• har bir fan bo‘yicha dars mashg‘ulotlarini tahlil qilish va Akademiya rektoriga ma’lumotlar berib borish;
• tinglovchilar (talabalar) davomati va professor-o‘qituvchilarning darsga munosabati monitoringini olib borish;
• bitiruvchilarning bilim darajasini o‘rganish maqsadida yakuniy davlat attestatsiyasi komissiyalari hujjatlari bilan tanishish;
• tashkiliy-huquqiy va metodik ko‘rsatmalar asosida ta’lim va kadrlar tayyorlash sifati monitoringini olib borish va nazorat qilishni tashkil qilish;
• Akademiyani ichki attestatsiyadan o‘tkazishni tashkil etish va ichki attestatsiya natijalarini, ta’lim sifatiga ta’sir etuvchi omillar to‘g‘risidagi ma’lumotlarni Akademiya rektori hamda Ta’lim sifatini nazorat qilish davlat inspeksiyasiga taqdim etish;
• ta’lim sifatini belgilovchi ko‘rsatkichlarning holatini monitoring qilish, aniqlangan muammolar va kamchiliklar yuzasidan Akademiya rektoriga takliflar berish;
• ta’lim sifatini oshirish maqsadida professor-o‘qituvchilarning malakasini oshirish jarayonida zamonaviy usullar va uslublardan foydalanish samaradorligini tahlil qilish;
• Akademiyaning tarkibiy tuzilmalarida (fakultet, kafedra, bo‘lim) pedagog xodimlarning kasbiy malakasi holatini, shuningdek oliy o‘quv yurtidan keyingi ta’lim hamda malaka oshirish va qayta tayyorlash yo‘nalishlaridagi sifat darajasini aniqlash maqsadida ichki monitoringni o‘tkazish, tahliliy ma’lumotlarni tayyorlash, aniqlangan kamchilik va muammolarni bartaraf etish bo‘yicha Akademiya rahbariyatiga takliflar kiritish;
• ta’lim jarayoni moddiy-texnik bazasi holatini tahlil qilish, uni rivojlantirish va takomillashtirish bo‘yicha takliflar berish;
• Akademiyadagi ijtimoiy muhit, kadrlar tayyorlash va ta’lim sifatini oshirish maqsadida doimiy ravishda tinglovchilar (talabalar), ota-ona, professor-o‘qituvchi va kadrlar iste’molchilari o‘rtasida ijtimoiy so‘rovlar o‘tkazish;
• respublika va xorijiy davlatlardagi ta’lim sifatini nazorat qilishga oid yangiliklarni doimiy o‘rganib borish va ularni ta’lim jarayoniga tatbiq etish yuzasidan tavsiyalar ishlab chiqish;
• Akademiya reytingini xalqaro darajaga ko‘tarishga qaratilgan chora-tadbirlarni Akademiya rahbariyati bilan birgalikda ishlab chiqish va uni ijrosini ta’minlashda faol ishtirok etish;
• Akademiyada ichki jamoatchi ekspertlar bazasini shakllantirish va ular bilan qo‘yilgan vazifalar doirasida seminar mashg‘ulotlarini muntazam ravishda o‘tkazib borish;
• Akademiya kengashida, davra suhbatlari va anjumanlarda bo‘lim tomonidan ta’lim sifatini oshirishga oid amalga oshirilgan o‘rganish va monitoring natijalari to‘g‘risida ma’lumotlar berib borish;
• ta’lim sifati holatini o‘rganish natijalariga asoslanib tegishli takliflarni Akademiya rahbariyatiga taqdim etish va boshqalar.