• LMS
  • E-library
  • O‘qishga qabul
  • FAQ

E‘LONLAR VA TADBIRLAR

Pedagog xodimlarni ishga taklif etamiz


O‘zbekiston Respublikasi Bank-moliya akademiyasi 2025/2026 o‘quv yili uchun pedagog xodimlarni quyidagi lavozimlar bo‘yicha ishga taklif etadi:

- Moliya va moliyaviy texnologiyalar fakulteti dekani o‘rinbosari;

- Xalqaro bank ishi fakulteti dekani o‘rinbosari.

Nomzodlarga qo‘yiladigan talablar:
  • O‘zbekiston Respublikasi qonunchiligi, Oliy Majlis palatalari qarorlari, Prezident farmon va qarorlari, Vazirlar Mahkamasining qaror va farmoyishlari, Oliy ta’lim, fan va innovatsiyalar vazirligi buyruqlari, O‘zbekiston Respublikasi Bank-moliya akademiyasi Kuzatuv kengashi hamda Ilmiy kengash qarorlari, shuningdek, Akademiya rektori buyruqlarining o‘z vaqtida va sifatli ijrosini ta’minlash;
  • Bakalavriat va magistratura yo‘nalishlari bo‘yicha zarur normativ-huquqiy hujjatlar, yo‘riqnomalar va nizomlarni ishlab chiqish;
  • Fakultetda ta’lim jarayonini biznes va menejmentning ustuvor yo‘nalishlari bo‘yicha tashkil etish, talaba va tinglovchilarning mustaqil tayyorgarligini chuqurlashtirish, zamonaviy pedagogik va axborot-kommunikatsiya texnologiyalarini faol qo‘llashni tashkil etish, davlat ta’lim standartlari hamda ish beruvchilar ehtiyojlari asosida o‘quv-uslubiy materiallar va dasturlar bilan ta’minlash;
  • Ta’lim mazmunini davlat ta’lim standartlari asosida, mamlakatning ijtimoiy-iqtisodiy rivojlanish istiqbollari, jamiyat ehtiyojlari hamda fan, madaniyat, texnika va texnologiyalardagi yutuqlarni inobatga olgan holda shakllantirish;
  • Fakultet xodimlari, professor-o‘qituvchilar, ilmiy xodimlar, talaba va tinglovchilar o‘rtasida ma’naviy-ma’rifiy va sport tadbirlarini tashkil etish orqali korporativ ruhni shakllantirish;
  • Fakultetda ilmiy, ilmiy-uslubiy va ilmiy-pedagogik faoliyatni olib borish;
  • Ilmiy to‘garaklar faoliyatini yo‘lga qo‘yish va iqtidorli talaba hamda tinglovchilarning biznes va menejment sohasidagi respublika va xalqaro olimpiadalar, tanlovlarda ishtirokini ta’minlash;
  • Xorijdagi ta’lim muassasalari, moliya institutlari va professional tashkilotlar bilan xalqaro hamkorlikni rivojlantirish, jumladan, kadrlar tayyorlash bo‘yicha xalqaro sheriklik fakultetlari bilan qo‘shma ta’lim dasturlarini amalga oshirish;
  • Akademiyaning strategik rivojlanish rejasiga muvofiq fakultetning o‘quv, ilmiy, ilmiy-uslubiy va tashkiliy faoliyatini muvofiqlashtirish, fakultet reytingini oshirish bo‘yicha tegishli choralarni ko‘rish;
  • HEMIS platformasida ishlash ko‘nikmalariga ega bo‘lish;
  • Iqtisodiyot sohasida ilmiy darajaga ega bo‘lish va oliy ta’lim muassasalarida kamida 3 yillik ish tajribasiga ega bo‘lish.
Quyidagi kafedralar mudiri lavozimi bo‘yicha ishga taklif etiladi:
  • Raqamli iqtisodiyot kafedrasi mudiri
  • Buxgalteriya hisobi va audit kafedrasi mudiri
  • Bank ishi kafedrasi mudiri
Kafedra mudiri lavozimi uchun malakaviy talablar:

 

  • Oliy taʼlim muassasalarida boshqaruv lavozimida zarur boʻlgan kasbiy va tashkilotchilik qobiliyatlariga, taʼlim sohasida rahbarlik ish tajribasi va stajiga, faoliyat turi va vakolatlari doirasida tegishli bilim va koʻnikmalarga;
  • Namunaviy shaxsiy fazilatlar-intellektuallik, madaniyatli, yetakchilik, ijodiy yondashuv, xushmuomalalik, tashkilotchilik, tashabbuskorlik va tadbirkorlik qobiliyatlariga ega boʻlish, masʼuliyat hissi, mustaqil qaror qabul qilish va ish tutish, qatʼiy harakat qilish, muassasa strategik maqsadlariga erishishni taʼminlash xususiyatlariga;
  • Akademiyada bakalavr va magistrlar tayyorlash yoʻnalishlari va mutaxassisliklaridan biri boʻyicha fan doktori yoki nomzodi ilmiy darajasiga, professor yoki dotsent ilmiy unvoniga ega boʻlishi zarur.
  • Yoʻnalishi boʻyicha kamida 5 yillik samarali ish stajiga ega boʻlishi zarur.
Raqamli iqtisodiyot kafedrasiga quyidagi fanlar bo‘yicha 2 nafar ilmiy darajaga ega bo‘lgan professor-o‘qituvchi (dotsent yoki professor):

- “Yashil iqtisodiyot”

- “Raqamli iqtisodiyot”

- “Davlat qarzini boshqarish”;

Moliya kafedrasiga quyidagi fanlar bo‘yicha 1 nafar ilmiy darajaga ega bo‘lgan professor-o‘qituvchi (dotsent yoki professor):

- “Davlat qarzini boshqarish”;

- “Soliq tizimini isloh qilish va rivojlantirish”;

- “Xalqaro soliqqa tortish”;

- “Sug‘urta ishi”;

- “G‘aznachilik”.

Investitsiya va kapital bozori kafedrasiga quyidagi fanlar bo‘yicha 2 nafar ilmiy darajaga ega bo‘lgan professor-o‘qituvchi (dotsent yoki professor):

- «ESG loyihalari (Yashil loyihalarni boshqarish)»;

- «Korporativ barqarorlik»;

- «Loyihalarni boshqarish asoslari».

Buxgalteriya hisobi va audit kafedrasiga quyidagi fanlar bo‘yicha 2 nafar ilmiy darajaga ega bo‘lgan professor-o‘qituvchi (dotsent yoki professor):

- «Rahbarlar uchun moliyaviy hisob» (Financial Accounting for Managers);

- «Banklarda ichki va tashqi audit»;

- «Budjet sohasidagi moliyaviy hisobot».

 

Biznesni boshqarish kafedrasiga quyidagi fanlar bo‘yicha 2 nafar ilmiy darajaga ega bo‘lgan professor-o‘qituvchi (dotsent yoki professor):

- “Boshqaruv iqtisodiyoti” (Managerial Economics),

- “Tashkiliy xulq-atvor” (Organizational Behavior),

- “Yetakchilikni rivojlantirish” (Leadership Development).

Bank ishi kafedrasiga quyidagi fanlar bo‘yicha 2 nafar ilmiy darajaga ega bo‘lgan professor-o‘qituvchi (dotsent yoki professor):

- “Pul-kredit nazariyasi va siyosati”,

- “Banklarda risklarni boshqarish”.

Professor-o‘qituvchilar uchun malakaviy talablar:

- tegishli ixtisoslik bo‘yicha ilmiy daraja yoki ilmiy unvonga dotsent/professor shuningdek, tegishli mutaxassislik bo‘yicha falsafa doktori Ph.D, fan doktori DSc yoki unga tenglashtirilgan boshqa ilmiy daraja va unvonlarga ega bo‘lishlik;

- davlat tilini, shu jumladan xorijiy tillardan birini mukammal bilishlik;

- kasbiy va tashkilotchilik qobiliyatlariga, faoliyat turi va vakolatlari doirasida tegishli bilim (pedagogik mahorat, jamoa va talabalar bilan ishlay olish)ga hamda amaliy ko‘nikmalar (mutaxassisligi bo‘yicha)ga ega bo‘lishlik.

Tanlovda nomzodlarga ustuvorlik beriladigan alohida jihatlar:
  • Mutaxassisligi bo‘yicha xalqaro reytinglarda (Quacquarelli Symonds World University Rankings, Times Higher Education yoki Academic Ranking of World Universities) e’tirof etilgan nufuzli (TOP-1000) oliy ta’lim muassasasini tamomlagan yoki unda faoliyat yuritganlik;
  • Xalqaro loyihalarda rahbar yoki a’zo sifatida ishtirok etganlik;
  • IELTS/TOEFL/CEFR sertifikatiga egalik (B2, C1, C2);
  • CFA, FRM,  CIA malaka sertifikatiga egalik;
  • SCOPUS va WEB OF SCIENCE bazalariga kiritilgan nufuzli jurnallarda maqola chop etganlik va «h-index»ga egalik.

Shuningdek, qo‘shma ta’lim dasturlari doirasida "Iqtisodiyot" yo‘nalishi bo‘yicha rus yoki ingliz tilida dars olib boruvchi, ilmiy darajaga ega malakali professor-o‘qituvchilar tarkibiga ham ehtiyoj mavjud.


Talabgorlar hujjatlarni @hr_bfa_bot orqali topshirishlari mumkin.